საქართველოს იურიდიული ფირმების ასოციაცია აგრძელებს შეხვედრებს სამშენებლო სამართლის პრაქტიკულ კურსთან დაკავშირებით. 2021 წლის 26 იანვარს გაიმართა რიგით მესამე შეხვედრა, სადაც განხილული იქნა საკუთრების უფლება, სამშენებლო სამართლის საკითხების ჭრილში. კერძოდ: სახელმწიფოს ნეგატიური და პოზიტიური ვალდებულება; საკუთრების კონსტიტუციურ-სამართლებრივი და სამოქალაქო-სამართლებრივი შინაარსი; საკუთრების სოციალური ბოჭვის თეორია; საკონსტიტუციო სასამართლოს ტესტი – კანონიერი (ლეგიტიმური) მიზანი და თანაზომიერების პრინციპი; სასამართლო პრაქტიკა; ექსპროპრიაცია; ევროპული სასამართლოს შეფასების ტესტის სამი წესი.

შეხვედრას უძღვებოდნენ სიფას წევრი იურიდიული ფირმა GLCC-ის დირექტორი, ალექსანდრე ქამუშაძე და JG Counselors აღმასრულებელი დირექტორი- ნიკოლოზ აბუთიძე.

შეხვედრა მიმდინარეობდა ონლაინ რეჯიმში და მასში მონაწილეობას იღებდა იურიდიული ფირმებისა და სამშენებლო კომპანიების 14 პრაქტიკოსი იურისტი.

სამშენებლო სამართლის პრაქტიკული კურსი ორგანიზებულია საქართველოს იურიდიული ფირმების ასოციაციის მიერ, GLCC-თან პარტნიორობით.