ტრენინგი “მეწარმეთა შესახებ” კანონის პროექტთან დაკავშირებით
GIZ-თან მჭიდრო თანამშრომლობის საფუძველზე, ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს (BMZ) თანადაფინანსებული პროექტის “საქართველოს კომერციული სამართლის და პრაქტიკის გაუმჯობესება” ფარგლებში, საქართველოს იურიდიული ფირმების ასოციაციის ადვოკატებისთვის მიმდინარეობს ტრენინგი ,,მეწარმეთა შესახებ“ საქართველოს ახალ კანონპროეტზე.
GIZ-ის ექსპერტების – გიორგი ჯუღელის, ნინო ბაქაქურის და ლაშა ცერცვაძის მიერ შეიქმნა სასწავლო მოდული, რომელიც 2020 წელს კანონპროექტში განხორციელებული უახლესი ცვლილებების შესაბამისად გადამუშავდა. სასწავლო მოდული სრულად არის მორგებული ,,მეწარმეთა შესახებ“ საქართველოს ახალ კანონპროექტზე და მასში გათვალისწინებული სიახლეებისა თუ ცვლილებების შესწავლას, ასევე კანონპროექტის ზოგად მიმოხილვას ისახავს მიზნად.
ტრენინგს, რომელიც ჯამში სამ დღეს მოიცავს, უძღვებიან სასწავლო მოდულის ავტორები: გიორგი ჯუღელი, ნინო ბაქაქური და ლაშა ცერცვაძე.
2020 წლის 20-22 ნოემბერს სწავლება სიფა-ს წინასწარ შერჩეულმა 25 ადვოკატმა გაიარა. მიმდინარე ტრენინგს, -27-29 ნოემბერს, დამატებით ამავე რაოდენობის ადვოკატი ესწრება.
მიუხედავად დაგეგმილი ცოცხალი ტრენინგისა, რთული ეპიდემიოლოგიური ვითარებიდან გამომდინარე, სწავლება ონლაინ ფორმატში მიმდინარეობს.
0
ადამიანი მოიცვა
1
Engagement
პოსტის რეკლამირება
1
მომწონს
კომენტარი
გაზიარება
