საქართველოს იურიდიული ფირმების ასოციაციამ დღეს 2025 წლის საქართველოს ადვოკატთა ასოციაციის არჩევნებში მონაწილე კანდიდატები დაასახელა და პროგრამა წარადგინა.

საარჩერვნო პროგრამა და 19 კანდიდატი, რომლებიც  აღმასრულებელ საბჭოში, ეთიკისა და სარევიზიო კომისიების წევრებად იყრიან კენჭს დღეს სიფას თავმჯდომარემ ქეთევან ქვარცხავამ და სიფას წევრმა ადვოკატებმა ზვიად კორძაძემ და მაია მწარიაშვილმა დაასახელეს.

სიფას მიზანია შეიქმნას გარემო, სადაც გადაწყვეტილებები მიიღება გამჭვირვალედ, პროფესიონალების მიერ, კოლეგიურად და არა ერთპიროვნულად.

სიფას მთავარი პრიორიტეტებია: 

• კონსტიტუცია და ადამიანის ფუნდამენტური უფლებები
• მდუმარე მმართველობის დასრულება
• მიუკერძოებელი მართმსაჯულება
• სამართლიანი კანონმდებლობა 
• ერთი გუნდის მმართველობის ნაცვლად, უპრეცენდენტო, კოლეგიური, ალიანსის ტიპის მმართველობის ჩამოყალიბება, სადაც ისმის ყველას ხმა
• ადვოკატის და ჩვენი პროფესიის დაცვა და გაძლიერება 
• დაცვისა და ბრალდების უფლებების გათანაბრება
• ინდივიდუალური იდეებისა და ინიციატივების წახალისება და მხარდაჭერა
• ახალგაზრდა ადვოკატებისთვის პროფესიული ზრდის და დასაქმების პლატფორმის შექმნა
• პროფესიული ეთიკის სტანდარტების დაცვა

და რომელსაც არ მოერიდება მთავრობის კრიტიკა, ვინც არ უნდა იყოს მმართველობაში, როდესაც საკითხი მართლმსაჯულებას, ადამიანის უფლებებს და ადვოკატის პროფესიას ეხება.

სიფას კანდიდატები არიან: 

აღმასრულებელი საბჭოში: ქეთევან ქვარცხავა, გოჩა სვანიძე, დავით კიკალეიშვილი, აკაკი ჩარგეიშვილი, მაია მწარიაშვილი, გიორგი ზედელაშვილი, ანა ლორია, კახაბერ წერეთელი.

ეთიკის კომისიაში: სოფიო როინიშვილი; ნინო სოსელია, ჟანა ჩიქოვანი, უჩა ქირია, ნანა ამისულაშვილი, რუსუდან ჭკუასელი, ირაკლი გაფრინდაშვილი, ანა რეხვიაშვილი, სოფიო ჩაჩავა (არაწევრი). 

სარევიზიო კომისიაში: ზვიად კორძაძე; შალვა ბუავა. 

სიფამ არ დააყენა ადვოკატთა ასოციაციის თავმჯდომარეობის კანდიდატურა, რადგან ადვოკატთა ასოციაცია იმართება კოლეგიურად და გადაწყვეტილებები მიღება სწორედ აღმასრულებელი საბჭოს და არა თავმჯდომარის მიერ. 

„სიფას” მიაჩნია, რომ მნიშვნელოვანია პროფესიული ასოციაცია იმართებოდეს კოლეგიურად, ალიანსის სახით, რათა წარმოდგენილი იყოს ადვოკატთა ყველა ჯგუფის ინტერესები.